नववर्षाची पहिली सिंहगड वारी
नववर्षाची पहिली सिंहगड सफारी...
मागच्या रविवारी जायला जमलं नाही पण आज मुद्दामच सिंहगड चढलो
सुंदर सूर्योदय, प्रसन्न वातावरण
आणि त्यावर सुचलेलं काही...
*नववर्ष*
राहुल लाळे
सरत्या वर्षाला दाखवून पाठ
चालुया आता नववर्षाची वाट
करूया थोडासा थाट-माट
आली पहा रम्य पहाट
नवचैत्यन्याचे वाहतील वारे
नको विसरु या जुने सारे
चैत्यन्याचे नवे धुमारे
उजवून टाकू आयुष्य सारे
नवीन स्वप्ने , नव्या आशा
नवीन आभा , अन नव्या दिशा
जुन्या आठवणी, नव्या अपेक्षा
उमेद नवी, अन नव्या आकांक्षा
सगळेच बरोबर घेऊन जाणे
मागील दुःखे सोडून देणे
नवा श्वास , नवा उत्साह
नव्या जोमाने पुढे जाणे
सारे डाव नव्याने मांडू, जुनी नाती सुदृढ करू
नवे खेळ चालू करू अन नवे सवंगडी जमा करू
*******"
आपल्या सर्वांना नववर्ष- २०२४ च्या पुन्हां एकदा
हार्दिक शुभेच्छा !!!
©राहुल लाळे 🌈
१३-०१-२०२४
सहसफरी...डॉ प्रसाद वाळिंबे
आणि श्रमपरिहार.... पोहे, भजी, दही यांच्यावर यथेच्छ मारलेला ताव
फोटो... काही माझे, काही प्रसादचे
Comments
Post a Comment