Rahul Lale

 मोर मनातला राहुल मोर मनातला  पिसारा फुलवतो स्वानंदे नाचतो मोर मनातला काळजीचे मेघ चिंतेच्या वीजा भणाणा वारा गडगडाटी आवाज वाट पावसाची  पहातो मोर मनातला आयुष्य वेगाचं धावायचा वेगानंच अंतर जरी खूप दूर पार पाडे सहजी पकडून तालसूर मोर मनातला वेग मंदावला धावणं थांबलं वाराही थांबला नाचणं मात्रं नाही विसरला मोर मनातला बदललं वारं मेघ बरसले जीव सुखावला पिसारा फुलवे नाचे आनंदे  मोर मनातला राहुल लाळे

 *गणपती विसर्जन* *तो निघाला* राहुल आला आला म्हणेपर्यंत  बाप्पा माझा निघाला आनंद घेऊन आला चतुर्थीला  आज डोळ्यांत पाणी आणून  चालला केली मी उत्तरपूजा निरोपाची आरती झाली "पुढच्या वर्षी लवकर या" म्हणताना बाही माझी ओली झाली सोबतीने बाप्पाच्या माझ्या सुख घरी वसले होते वर्षभराच्या मळभातून मन मोकळे झाले होते दर्शनाने रोज  त्याच्या प्रसन्न होत होते सारे सजली होती आनंदाने नात्यागोत्यांची आभासी मखरे नको ढोल नको ताशे आज बँड बाजा नाही तसंही माझ्या बाप्पाला  भक्तिभावाखेरीज नको काही निसर्ग मात्र यंदा जरा  जास्तच प्रसन्न  होता गच्चीतल्या बागेतून बाप्पाला रोज नवीन फुले वाहात  होता निघाला आज देव माझा घर  सुगंधित मंगल करून  जाताना मात्र नेहमीप्रमाणे जीव माझा आला भरून  एक मात्र बरे झाले बाप्पा घरातच विसर्जित झाले पुनरागमनायचं म्हणालो तरी तुझ्याजवळच  राहतो म्हणाले पुनरागमनायचं म्हणालो तरी तुझ्याजवळच  राहतो म्हणाले *हरि: ॐ तत्सत् * *इति श्रीगणेशार्पणमस्तु*  राहुल लाळे १४-०९-२०२१

  * कन्यादिन.... * राहुल कन्यादिनानिमित्त... एक तरी मुलगी असावी उमलताना तिला पहावी नाजूक नखरे करताना न्याहाळायला मिळावी एक तरी मुलगी असावी साजिरी गोजिरी दिसावी नाना मागण्या पुरवताना तारांबळ माझी उडावी एक तरी मुलगी असावी मैचिंग करताना तिला बघावी नटता नटता आईला तिने नात्यातली गंमत शिकवावी एक तरी मुलगी असावी जवळ येऊन बसावी मनातली गुपितं तिने हळूच कानात सांगावी एक तरी मुलगी असावी गालातल्या गालात हसावी कधीतरी भावनेच्या भरात गळ्यात मिठी मारावी……! एक तरी मुलगी असावी मुलगी नाही ... दुःख नाही... पण काहीतरी कमी आहे याची कुठंतरी जाणीव आहे इतरांचे नशीब घेऊन येण्यात मुली तशा माहीर आहेत मुलगी म्हणजे धनाची पेटी हे सत्यही तसं जग जाहीर आहे.. ©राहुल लाळे 🌈

  " * ल * य आणि * ता * ल म्हणजे * लता * " राहुल लाळे शांत भक्तिगीते जिची ऐकून, सकाळ जागी होते   ती ...  लता आश्वासक  आवाजाने जिच्या  दिवस उजाडू लागतो  ती ...  लता मनमोहक सुरांनी जिच्या संध्या धुंद होते   ती ...  लता हळुवार स्वरांनी थकवा दूर करणारी अंगाई गाते  ती ...  लता बागेतल्या मंद हवेत जिची भावगीते ऐकावीत ती ...  लता दूर डोंगरांवर जेव्हा ढग उतरतात तेंव्हा झाकोळून टाकते  ती ...  लता झरझर झरणाऱ्या निर्मल पाण्यासारखी खळखळते ती ...  लता नदीच्या शांततेचं आणि समुद्राच्या अथांगतेचं दर्शन घडवते ती ...  लता ग्रीष्मात तळपते  श्रावणधारेसारखी बरसते भिजवून टाकते  ती ...  लता थंडगार  हवेत मस्त गाण्यातून  पश्मीना शालीची उब देते  ती ...  लता कृष्णाला आर्त साद घालून राधेचं प्रेम सादर करणारी ती ...  लता मीरेचं भजन, ज्ञानोबाचं  पसायदान गाणारी ती ...  लता आईची ममता, बहिणीची माया, मुलीचे आर्जव जागवते  ती ...  लता उषेची लाली पसवुन आशेला दि...

नाती जिव्हाळ्याची राहुल  सूर्य चंद्र तारे इंद्रधनु आकाश पहा सजते आहे पाऊस पडता कधी बीज नवे अंकुरते आहे बाजूला एखादी नदी संथपणे वाहते आहे सुखदुःख सामावूनी गारवा ती फैलावत आहे फुले सुगंधित ,तन प्रफुल्लित रागद्वेष सारा वितळूनी जात आहे जादुगार निसर्ग हा विलक्षण.. श्रांत मनालाही खुलवत आहे डोलणारी ही गवत पाती जिव्हाळ्याची जणू नाती जपत हळूवारपणे त्यांना आनंदाने जगायचं आहे सहजीवनातच या आता जीवनाचे सार आहे  जीवनाचे सार आहे राहुल लाळे 🌈 २४-०९-२०२१

  * गणपती विसर्जन * * तो निघाला * राहुल आला आला म्हणेपर्यंत बाप्पा माझा निघाला आनंद घेऊन आला चतुर्थीला आज डोळ्यांत पाणी आणून  चालला केली मी उत्तरपूजा निरोपाची आरती झाली "पुढच्या वर्षी लवकर या" म्हणताना बाही माझी ओली झाली सोबतीने बाप्पाच्या माझ्या सुख घरी वसले होते वर्षभराच्या मळभातून मन मोकळे झाले होते दर्शनाने रोज  त्याच्या प्रसन्न होत होते सारे सजली होती आनंदाने नात्यागोत्यांची आभासी मखरे नाही ढोल नाही ताशे आज बँड बाजा नाही तसंही माझ्या बाप्पाला भक्तिभावाखेरीज नको काही निसर्ग मात्र यंदा जरा जास्तच प्रसन्न  होता गच्चीतल्या बागेतून बाप्पाला रोज नवीन फुले वाहात  होता निघाला आज देव माझा घर  सुगंधित मंगल करून जाताना मात्र नेहमीप्रमाणे जीव माझा आला भरून एक मात्र बरे झाले बाप्पा घरातच विसर्जित झाले पुनरागमनायचं म्हणालो तरी तुझ्याजवळच  राहतो म्हणाले पुनरागमनायचं म्हणालो तरी तुझ्याजवळच  राहतो म्हणाले *हरि: ॐ तत्सत् * * इति गणेशार्पणमस्तु * ©राहुल लाळे १४-०९-२०२१