Rahul Lale

देऊळ ... कुणाचं ... कुणासाठी? राहुल लाळे   "शोधू कुठं ?... देवा तुला शोधू कुठं ?"  हा प्रश्न सर्वच देवभक्तांना असतोच, पण तसाच तो अनेक अभ्यासक, चिकित्सक , आस्तिक-नास्तिकांनाही असतो. याच प्रश्नाचं  उत्तर शोधण्यासाठी " देऊळ" हा चित्रपट दिग्दर्शक उमेश कुलकर्णी आणि देविशा फिल्म्सचे  निर्माता अभिजित घोलप यांनी काढला असावा.- सिनेमा ते उत्तर देतो का नाही - हे सिनेमा पाहूनच प्रत्येकानं ठरवावं.  कथा -पटकथा लेखक आणि या चित्रपटाचा नायक गिरीश कुलकर्णी आणि इतर कलाकार व सर्वच टीम हे उत्तर शोधायला आपल्याला मदत करतात .   नाना पाटेकर, दिलीप प्रभावळकर, सोनाली कुळकर्णी, मोहन आगाशे, ज्योती सुभाष, उषा नाडकर्णी, किशोर कदम, विभावरी देशपांडे, हॄषिकेश जोशी, श्रीकांत यादव, अतिषा नाईक, नासिरुद्दीन शाह[ आणि गिरीश व इतर कलाकारांची नावं ऐकूनच सिनेमा पाहायचं नक्की केलं होतं. आणि तो पाहून झाल्यावर काही उत्तरं  मिळाली आणि बरेचसे प्रश्न ही मागे लागले... सिनेमा सुरु होतो तो -  एका मंगरूळ गावातलया केशव- केश्या (गिरीश कुलकर्णी)  त्याच्या हरवलेल्या गाईला  (करडीला  ) हाका...

 *चाळीशी* राहुल चाळीशी... समजू नका तिला सजा सुरू झाली आता जगण्याची खरी मजा  !! तारुण्यावर तेज चढले  समजंसपणाचे उत्साहालाही  भान आले जबाबदारीचे काय घ्यावे काय सोडावे नजर थोडी बदलू लागली नजरेतूनच भाव कळता प्रेमाचीही रंगत वाढली जगण्याचे नवीन मार्ग डोळयांसमोर खुले झाले प्रगतीच्या वाटेवर चालणे जोमाने सुरु झाले जगायचे फक्त आपल्यासांठी  हे  आता कळायला लागते आपल्यांची संख्याही दिवसेंदिवस वाढायला लागते कुणी म्हणा याला इंटरव्हल कुणी म्हणा सुरवात जगण्याची चाळीशी उलटो वा पन्नाशी म्हातारपणाची ऐशीतैशी तरुणपण टिकवून प्रगल्भ व्हायचे बालपण राखून , आयुष्य जगायचे म्हणून म्हणतो मित्रांनो चाळीशी... समजू नका तिला सजा सुरू झाली आता जगण्याची खरी मजा  !! ©राहुल लाळे🌈 ३०-०६-२०२१

*वटपौर्णिमा* राहुल तो वड एक महान घालून प्रदक्षिणा ज्याला परत  मिळवले सावित्रीने आपल्या प्रिय पतीचे प्राण तो आणि असे अनेक वड अजूनही उभे आहेत पाय जमिनीत रोवून घट्ट ऐकतात दरवर्षी ते नवसावित्रींचें  पतीहट्ट वडाला फेऱ्या मारणाऱ्या दोरीचे बंध बांधणाऱ्या  सगळ्या  स्त्रिया का  सावित्री असतात ? ज्यांच्यासाठी  त्या व्रत करतात सगळे का  ते सत्यवान असतात ? सात जन्मी हाच मिळावा जोडीदार यासाठीच  होते जरी प्रार्थना मनात दोघांच्या असतात का नक्की तशाच भावना ? सावित्रीला आजच्या हवा आहे खरंच तो सत्यवान जन्मोजन्मी ? आणि ज्याच्यासाठी उपास करतात सत्यवानाला त्या  हवीय का तीच सावित्री पुढल्या तरी जन्मी !!! सावित्री -सत्यवान महती त्यांची थोर त्यांच्यापुढे आपण सारे लहानथोर महत्वाची आहे तरी प्रेम -भावना सात जन्म कोणी पाहिलेत ? हाच जन्म महत्वाचा मिळाली ती सावित्री आहे तो सत्यवान जपायचा संस्कार म्हणून तरी वटपौर्णिमा सण साजरा करत राहूया   ... नवरा बायकोने विश्वास अन् प्रेमाचं  रोप सतत फुलवत ठेऊया ©राहुल लाळे  🌈 २४-०६-२०२१

 *कृष्ण* राहुल कृष्ण प्रेम कृष्ण नितळ कृष्ण निर्मळ कृष्ण निस्सीम कृष्ण तेज कृष्ण विराट कृष्ण मोह कृष्ण त्याग कृष्ण कुतूहल कृष्ण आदर कृष्ण सखा कृष्ण गुरु कृष्ण कोडं कृष्ण उत्तर कृष्ण पेंद्याचा  सवंगडी सुदामाचा गुरुबंधू  राधेचा तो सखा गोपींचा सखाहरी यशोदेचा कान्हा द्रौपदीचा भ्राता अर्जुनाचा सर्वेसर्वा यादवांचा राजा कृष्ण !!! रंग सावळा मोरपंख डोई ओठी बासरी राधा बावरी गोकुळ फुलले कृष्णरुप पाहुनी कृष्ण !!! कृष्ण श्वास कृष्ण आस कृष्ण भास कृष्ण गीता कृष्ण जीवनाचे सार कृष्ण अंतरी कृष्ण वदनी कृष्ण चराचरी कृष्ण कृष्ण कृष्ण कृष्ण !!! किती त्याची रूपं काय त्याचा स्वभाव काय त्याचा विचार काय त्याचा दृष्टिकोन काय त्याची कृती ? कृष्ण !!! स्पष्ट त्याची बुद्धिमत्ता लोभस त्याची  महानता दिव्य त्याची दृष्टी कृष्ण सर्व सृष्टी कृष्ण !!! नाव याचं कठीण समजायलाही  हा कठीणच एकदा  समजला हा की समजेल मग जीवनही !!! आता खरं तर मला अर्जुनच व्हायला हवं...  योगेश्वर कृष्णाकडून आजचं महाभारत तरुन जाण्यासाठी   !!! कृष्ण कृष्ण कृष्ण !!!   ©राहुल लाळे ०९-०६-२०२१