Rahul Lale

जोडी तुझी माझी राहुल लाळे परवा महाबळेश्वरला संध्याकाळची  वेण्णा लेकपर्यंतची पायपीट संपवून मार्केटमध्ये शॉपिंग / विंडो-शॉपिंग करत हिंडत होतो.. वेगवेगळ्या वस्तूंनी भरलेली दुकानं, करोना च्या विळख्यातून, लॉकडाऊनच्या सावटातून बाहेर पडू पाहणारे पर्यटक-त्यांचा उत्साह पाहताना मजा येत होती. आम्हीही थोडीशी खरेदी करत  मार्केट रोडवर भटकंती करत पुढे सरकत होतो. तेवढ्यात माझं लक्ष आमच्या थोडंसं पुढे चालत असलेल्या एका वृद्ध जोडप्याकडे गेलं. छान जरासे नवीन जमान्यातले पण आपल्याला शोभतील असे कपडे परिधान केलेले  गप्पा मारत, हातात खरेदीच्या पिशव्या सांभाळत , हसत खेळत आणि मुख्य उत्साही निवांतपणे चालत होते ते. मी तारिणीचं(बायको) लक्ष त्यांच्याकडे वळवलं  आणि आणखी १५-२० वर्षांनी आपणही असेच हिंडू या असं म्हणालो आणि पुढे गेलो. रात्री दिना हॉटेलच्या डायनिंग रूममध्ये पलीकडच्या टेबलवर त्याच आनंदी जोडीला डिनर करताना पाहिले - मार्केटमध्ये पाहिले होते तसेच - जे काही थोडे बोलतानाचे शब्द कानांवर पडले त्यावरून मंडळी मराठी आहेत हे कळले - थोडी जिज्ञासाही जागृत झाली. पण बोललो नाही - बायकोनंही  दटावलं...

*दिल ढूंढ़ता है ची कहाणी* राहुल लाळे   " दिल ढूँढ़ता है फिर वही फ़ुर्सत के रात दिन"  मौसम सिनेमातलं हे मदनमोहनने अनेक चालीत संगीतबद्ध केलेलं , लता मंगेशकर-भूपेंद्र यांनी गायलेलं गाणं १९७५ पासून आजपर्यंत अनेकांच्या मनात घर करून राहिलंय. चालीतल्या विविधतांमुळे आणि लताच्या मधुर व भूपेंद्रच्या घनगंभीर आवाजाने, पर्वतीय निसर्गरम्य वातावरणातील चित्रणामुळे ,संजीव कुमार- शर्मिला टागोरच्या  पडद्यावरील दर्शनामुळे हे गाणं लक्षात राहतंच पण एखाद्या सिनेमाचं थिम एखाद्या गाण्याभोवती ही कसं  विणता येऊ शकतं , हेही या गाण्याचं मोठं वैशिष्ट्य.  पण जर आपल्याला कळालं की हे गाणं गुलज़ारने गालिबच्या एका शेरवरून लिहिलंय.... तर ?  गुलज़ारनी कॉपी केलं असं म्हणणार ?  मला नाही असं वाटत ..  Plagiarism म्हणजे कॉपी करणे हा खरं तर एक गुन्हा, पण आपल्या The Sacred Wood या पुस्तकात प्रसिद्ध कवी एलियट म्हणतात,"“Immature poets imitate; mature poets steal; bad poets deface what they take, and good poets make it into something better, or at least something different,”. -  मूर्ख क...