धुरंधर

मिठी.... आलिंगन...किती छान शब्द आहे....आणि काय मनवतात तर म्हणे हग डे 😞

*मिठी ...*

राहुल लाळे

आयुष्यात सोबत
     कायम तिचीच असावी
बाहूंच्या कवेत येण्या
     तिची कधी  ना नसावी ॥ १ ॥

नजरेत नजर खिळून राहावी
 .    जरी दुभंगे धरणी
विसरून  जाव्या  सर्व यातना
       त्या  मोहक  क्षणी  ॥२॥

आलिंगनात या रुसवे- फुगवे
      सारे विरून जावे
गालावरच्या  खळीत तिच्या
     मी स्वतःला हरवून जावे ॥३॥

करकमलांची ही मिठी
     राहो वा ना राहो
देह वेगळे झाले तरी
   जीव एकमेकांत गुंतून राहो II४॥

 ©राहुल  लाळे
१२-०२-२०१९